By Min Zin, On NCA ငါးနှစ်ခရီး(၂၀၁၅-၂၀၂၀) (ရှမ်းတိုင်းရင်းသား ဘာသာစကားဖြင့် ဖော်ပြခြင်း)
Post By ISP Admin, On November 28, 2020
၂၀၂၀ ပြည့်နှစ် ဩဂုတ် ၂၁ ရက်က ကျင်းပခဲ့သည့် ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ စတုတ္ထအစည်းအဝေး တတိယနေ့တွင် ပြည်ထောင်စုသဘောတူစာချုပ် အစိတ်အပိုင်း (၃)ကို လက်မှတ်ရေးထိုးခဲ့စဉ် (Photo -NRPC)
ISP-Myanmar မှ ပြုလုပ်ထားသည် “NCA ငါးနှစ်ခရီး ငြိမ်းချမ်းရေးကြိုးပမ်းမှု ဖြစ်စဉ်များ (၂၀၁၅-၂၀၂၀) ပုံပြကားချပ်”ကို ရှမ်းတိုင်းရင်းသားအဖွဲ့အစည်းတခုက ရှမ်းတိုင်းရင်းသားဘာသာစကားဖြင့် ပြန်ဆိုထားခြင်း ဖြစ်ပါသည်။
အဆိုပါ “NCA ငါးနှစ်ခရီး” ပုံပြကားချပ် (မြန်မာဘာသာဖြင့် ဖော်ပြချက်)ကို ပြီးခဲ့သည့် အောက်တိုဘာ ၁၅ ရက်က ISP-Myanmar Peace Desk ဝက်ဘ်ဆိုက်တွင် ဖော်ပြထားပြီး ဖြစ်ပါသည်။
ISP-Myanmar အနေဖြင့် မြန်မာ့ငြိမ်းချမ်းရေးနှင့် သက်ဆိုင်သော သတင်း အချက်အလက်များနှင့် နောက်ခံ အကြောင်းအရာများ၊ ပိုင်းခြားစိတ်ဖြာ သုံးသပ်ခြင်းများကို ISP Peace Desk ဝက်ဘ်ဆိုက်တွင် စုစည်း ဖော်ပြထားပြီး၊ မြန်မာဘာသာဖြင့်သာမက ပြည်ထောင်စုဖွား တိုင်းရင်းသားဘာသာစကားများဖြင့်လည်း ဖော်ပြနိုင်ရန် တတ်အားသရွေ့ အားထုတ်ကြိုးပမ်းလျက် ရှိပါသည်။ လက်ရှိအချိန်တွင် တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကို မြန်မာ၊ အင်္ဂလိပ်ဘာသာများဖြင့်သာမက ချင်း(ဟားခါး)၊ ချင်း(မင်းတပ်)၊ ကချင်၊ ရှမ်း၊ မွန်၊ ကရင် အစရှိသော တိုင်းရင်းသားဘာသာစကားများဖြင့် ဖော်ပြထားသည့် ဘာသာပြန်စာဖိုင်များကို ဖော်ပြထားပြီး ဖြစ်ပါသည်။
တိုင်းရင်းသား အဖွဲ့အစည်းများအနေဖြင့် ISP-Myanmar Peace Desk ဝက်ဘ်ဆိုက် တွင် ဖော်ပြထားသော သတင်းအချက်အလက်များ၊ ပုံပြကားချပ်မျာကို မိမိတို့၏ တိုင်းရင်းသားဘာသာစကားများဖြင့် ပြန်လည်ဖော်ပြလိုပါက ဘာသာပြန်ဆိုလိုပါက ISP-Myanmar သို့ ဆက်သွယ်နိုင်ပြီး ထိုသို့ ဘာသာ ပြန်ဆိုပေးခြင်းများကိုလည်း ဝမ်းမြောက်ဝမ်းသာစွာ ကြိုဆိုပါကြောင်းနှင့် ISP Peace Desk ၏ Editorial policy နှင့်အညီ ပြန်လည်ဖော်ပြပေးသွားပါမည်။
ဖော်ပြပါ ပုံပြကားချပ်ကို Download ရယူနိုင်ပါသည်။
