Politics (နိုင်ငံရေးကဏ္ဍ)
ပြည်ထောင်စု ငြိမ်းချမ်းရေးညီလာခံ – ၂၁ ရာစုပင်လုံတွင် ကဏ္ဍကြီးငါးခုကို ဆွေးနွေး အတည်ပြုသည်များအနက် နိုင်ငံရေးကဏ္ဍနှင့် သက်ဆိုင်သော အကြောင်းအရာများကို ဖော်ပြပါမည်။ ထိုသို့ဖော်ပြရာတွင် သက်ဆိုင်ရာ Stakeholder များ၏ တရားဝင် ဆွေးနွေးချက်များ၊ လူမျိုးအလိုက်၊ ဒေသအလိုက်၊ အကြောင်းအရာအလိုက် အမျိုးသားအဆင့် နိုင်ငံရေးဆွေးနွေးပွဲများမှ ပေါ်ထွက်လာသော အချက်အလက်များကို သက်ဆိုင်ရာ အဖွဲ့အစည်းအသီးသီး၏ တရားဝင် ထုတ်ပြန်ချက်များအား အခြေပြု၍ ဖော်ပြမည် ဖြစ်ပါသည်။
ထို့အပြင် နေ့စဉ်ထုတ် သတင်းစာ၊ ဂျာနယ်များတွင် ဖော်ပြနေသော သတင်းများကိုလည်း ယခုစာမျက်နှာတွင် ဖော်ပြသွားပါမည်။ တနိုင်ငံလုံးအဆင့် ပစ်ခတ်တိုက်ခိုက်မှုရပ်စဲရေး သဘောတူညီချက် (NCA) အရ ပြုလုပ်နေသော ပြည်ထောင်စု ငြိမ်းချမ်းရေးညီလာခံ – ၂၁ ရာစု ပင်လုံညီလာခံတွင် နိုင်ငံရေး ကဏ္ဍနှင့် ပတ်သက်၍ အောက်ဖော်ပြပါ အချက်များကို ပြည်ထောင်စု သဘောတူစာချုပ်၌ ထည့်သွင်းရန် သဘောတူထားပြီး ဖြစ်ပါသည်။
နိုင်ငံရေးကဏ္ဍမူဝါဒသဘောတူညီချက် (၂၀၁၇ခုနှစ်၊မေလ ၂၉ ရက်)
ဖက်ဒရယ်စနစ်တွင်အခြေခံရမည့်မူများ
၁။ အချုပ်အခြာအာဏာ
နိုင်ငံတော်၏အချုပ်အခြာအာဏာသည်နိုင်ငံသားများထံမှဆင်းသက်ပြီးပြည်ထောင်စုတစ်ဝန်းလုံး၌တည်သည်။
၂။အချုပ်အခြာအာဏာကျင့်သုံးမှု
နိုင်ငံတော်အချုပ်အခြာအာဏာ၏မဏ္ဍိုင်(၃)ရပ်ဖြစ်သည့်ဥပဒေပြုရေးအာဏာ၊အုပ်ချုပ်ရေးအာဏာ၊တရားစီရင်ရေးအာဏာတို့ကိုပိုင်းခြားကျင့်သုံးခြင်းနှင့်အချင်းချင်းအပြန်အလှန်ထိန်းကျောင်းခြင်းတို့ပြုရမည်။
၃။တန်းတူရေး
တိုင်းရင်းသားလူမျိုးတိုင်းသည် နိုင်ငံရေးအရဖြစ်စေ၊ လူမျိုးရေးအရဖြစ်စေ၊ တန်းတူရည်တူအခွင့်အရေးရှိရမည့်အပြင် ဘာသာစကား၊စာပေ၊ရိုးရာယဉ်ကျေးမှုနှင့်ဓလေ့ထုံးတမ်းများကိုထိန်းသိမ်းကာကွယ်မြှင့်တင်ခွင့်ရှိရမည်။
၄။ဖက်ဒရယ်ပြည်ထောင်စုမှု(ဖွဲ့စည်းမှုနှင့်အာဏာခွဲဝေမှု)
(က) နိုင်ငံတော်ကို ဒီမိုကရေစီနှင့်ဖက်ဒရယ်စနစ်ကိုအခြေခံသောပြည်ထောင်စုအဖြစ်ဖွဲ့စည်းရမည်။
(ခ) ဒီမိုကရေစီနှင့်ဖက်ဒရယ်စနစ်ကိုအခြေခံသောပြည်ထောင်စုကို တိုင်းဒေသကြီး/ပြည်နယ်များဖြင့်ဖွဲ့စည်းရမည်။
(ဂ) ကိုယ်ပိုင်အုပ်ချုပ်ခွင့်ရတိုင်းနှင့်ကိုယ်ပိုင်အုပ်ချုပ်ခွင့်ရဒေသများကို တိုင်းရင်းသားလူမျိုးများ၏အမည်ဖြင့်ဖွဲ့စည်းရမည်။
(ဃ) နိုင်ငံတော်အချုပ်အခြာအာဏာ၏ခက်မ(၃)ဖြာဖြစ်သည့် ဥပဒေပြုရေး၊အုပ်ချုပ်ရေးနှင့်တရားစီရင်ရေးအာဏာ(၃)ရပ်ကိုပြည်ထောင်စု၊တိုင်းဒေသကြီး/ပြည်နယ်များနှင့်ကိုယ်ပိုင်အုပ်ချုပ်ခွင့်ရတိုင်း/ဒေသများသို့ ခွဲဝေအပ်နှင်းရ မည်။ပြည်ထောင်စု၊တိုင်းဒေသကြီး/ပြည်နယ်များနှင့်ကိုယ်ပိုင်အုပ်ချုပ်ခွင့်ရတိုင်း/ဒေသများအကြား ဥပဒေပြုရေးဆိုင်ရာအာဏာများနှင့်ပူးတွဲအာဏာများကိုနိုင်ငံတော်ဖွဲ့စည်းပုံအခြေခံဥပဒေကခွဲဝေအပ်နှင်းပေးရမည်။ (င) တိုင်းဒေသကြီး/ပြည်နယ်များကို ဥပဒေပြုရေးအာဏာ၊အုပ်ချုပ်ရေးအာဏာနှင့် တရားစီရင်ရေးအာဏာတည်းဟူသော အာဏာ(၃)ရပ်စလုံးကိုအပ်နှင်းစေရမည်။ဥပဒေပြုရေးအာဏာကိုကျင့်သုံးနိုင်ရေးအတွက်တိုင်းေးသကြီးပြည်နယ်လွှတ်တော်၊ အုပ်ချုပ်ရေးအာဏာများကိုကျင့်သုံးနိုင်ရေးအတွက်တိုင်းဒေသကြီး/ပြည်နယ်အစိုးရနှင့် တရားစီရင်ရေးအာဏာကိုပြည်ထောင်စုဖွဲ့စည်းပုံအခြေခံဥပဒေက အပ်နှင်းထားသည့်လုပ်ပိုင်ခွင့်များနှင့်အညီ လွတ်လပ်စွာကျင့်သုံးနိုင်ရေးအတွက် တိုင်းဒေသကြီး/ပြည်နယ်တရားလွှတ်တော်ချုပ်တို့ကိုထူထောင်ခွင့်ရှိစေရမည်။ (စ) ပြည်ထောင်စုအစိုးရ၊ တိုင်းဒေသကြီး/ပြည်နယ်အစိုးရများသည်ကောက်ခံရရှိထားသောအခွန်ငွေများ၊ ဖွံ့ဖြိုးရေးစီမံကိန်းများနှင့်အရင်းအမြစ်များကိုဥပဒေနှင့်အညီ မျှဝေခံစားခွင့်ရှိစေရမည်။ (ဆ) ပြည်ထောင်စုနှင့်တိုင်းဒေသကြီး/ပြည်နယ်အကြားတွင်သော်လည်းကောင်း၊ တိုင်းေးဒသကြီး/ပြည်နယ်အချင်းချင်းအကြားတွင်သော်လည်းကောင်း၊ဖွဲ့စည်းပုံအခြေခံဆိုင်ရာအငြင်းပွားမှုများကို ဖြေရှင်းရန်အတွက် သီးခြားလွတ်လပ်သော နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးကို တည်ထောင်ထားရှိရမည်။
၅။ ပါတီစုံဒီမိုကရေစီစနစ်
(က) ပါတီစုံဒီမိုကရေစီစနစ်ကိုကျင့်သုံးရမည်။
(ခ) လွတ်လပ်၍တရားမျှတသော ရွေးကောက်ပွဲများကို ဖွဲ့စည်းပုံအခြေခံဥပဒေပါပြဌာန်းချက်များ နှင့် အညီကျင်းပရမည်။
နိုင်ငံရေးကဏ္ဍ အခြေခံမူသဘောတူညီချက် (၄) ချက် နောက်ဆက်တွဲ (က)
၂၀၁၈ ခုနှစ် ဇူလိုင်လ ၁၆ ရက်
ကျား/မ ဆိုင်ရာတန်းတူညီမျှမူ့
၁။ ဒီမိုကရေစီနှင့် ဖက်ဒရယ်စနစ်တို့ကို အခြေခံသော ပြည်ထောင်စုကိုတည်ဆောက်ရာတွင် ပြည်ထောင်စု သမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ ကျားမဆိုင်ရာ လိင်ကွဲပြားမှု့ကို အခြေခံသော ခွဲခြား ဆက်ဆံခြင်းမရှိစေရေးနှင့် တန်းတူညီမျှမှု့ ရှိစေရေးအတွက် မူဝါဒ ချမှတ်ရမည်။
၂။ ကဏ္ဍအသီးသီးတွင် ကျားမကဏ္ဍအနည်းဆုံး ၃၀ ရာခိုင်နှုန်းပါဝင်ရေးကို အားပေးရန်
၃။ ဒီမိုကရေစီနှင့် ဖက်ဒရယ်စနစ်တို့ကို အခြေခံသော ပြည်ထောင်စုကိုတည်ဆောက်ရာတွင် ပြည်ထောင်စု သမ္မတ မြန်မာနိုင်ငံတော်သည် ကျားမရေးရာအခြေပြု အကြမ်းဖက်မှု့များအား ကာကွယ်နိုင်သည့် မူဝါဒများကို ချမှတ်အကောင် အထည်ဖော်ဆောင်ရွက်သွားရန်
၄။ ကျားမဆိုင်ရာတန်းတူညီမျှမှု့ကို အထောက်အကူပြုစေရန် အမျိုးသမီးများ၏ စွမ်းဆောင်ရည်ကို မြင့်တင်ပေးရမည်။
Best Quality Cheap Replica Watches UK For Sale – Rolex Replica Shop
High Quality Best Replica Watches UK Store – Fake Rolex UK
Réplica de relojes blog : Perfect Réplicas de Rolex relojes en venta