Sagaing PDF

တည်ထောင်သည့်ရက်စွဲ  – ၂၀၂၁ ခုနှစ် ဇူလိုင် ၁၈ ရက်။

ဌာနချုပ်                          –  မသိရပါ။ 

လှုပ်ရှားဒေသ                 –   စစ်ကိုင်းတိုင်း စစ်ကိုင်းခရိုင်၊ ရွှေဘိုခရိုင်၊ မုံရွာခရိုင်နှင့် ယင်းမာပင်ခရိုင်။ 

ခန့်မှန်းအင်အား             – မသိရပါ။

ခေါင်းဆောင်                 – စစ်ဆင်ရေးကွပ်ကဲရေးမှူး (အမည် – မသိရပါ)။

စစ်ကိုင်းပြည်သူ့ကာကွယ်ရေးတပ်မတော် (Sagaing PDF) သည် ၂၀၂၁ ခုနှစ် နွေဦးတော်လှန်ရေးအတွင်း ပေါ်ပေါက်လာခဲ့သည့် ဒေသအခြေစိုက် တော်လှန်ရေးအဖွဲ့အစည်းတခု ဖြစ်သည်။ စစ်အာဏာသိမ်းမှုအပြီး စစ်ကိုင်းတိုင်းဒေသကြီးက ကျောင်းသားလူငယ်များ၊ နိုင်ငံရေးတက်ကြွလှုပ်ရှားသူများနှင့် NLD ပါတီဝင်များသည် ကနဦးတွင် ငြိမ်းချမ်းစွာ ဆန္ဒပြခဲ့ကြသည်။ သို့သော် အာဏာသိမ်းတပ်ဖွဲ့၏ အကြမ်းဖက်ဖြိုခွင်းမှုများကြောင့် လက်နက်ကိုင်တော်လှန်ရေးလမ်းစဉ်ကို ရွေးချယ်ခဲ့ကြပြီး ၂၀၂၁ ခုနှစ် ဇူလိုင် ၁၈ ရက်တွင် Sagaing PDF ကို စတင်တည်ထောင်ခဲ့သည်။

တည်ထောင်ချိန်တွင် တက်ကြွလှုပ်ရှားသူများ၊ ကျောင်းသားလူငယ်များ၊ CDM ဝန်ထမ်းများနှင့် အမျိုးသမီးများ အပါအဝင် အဖွဲ့ဝင် ၁၀၀ ကျော် ပါဝင်ခဲ့သည်။ တပ်ဖွဲ့၏ အခြေခံစစ်ပညာရပ်များကို KIA တပ်မဟာ-၈ ထံကနေ ကနဦးသင်ယူခဲ့ပြီး ထိုမှတဆင့် ရဲဘော်များက စစ်ကိုင်းတိုင်းအတွင်း ဆင့်ပွားသင်တန်းများ ပို့ချပေးခြင်းဖြင့် တပ်ဖွဲ့ကို တည်ဆောက်ခဲ့သည်။ ဖွဲ့စည်းစကာလတွင် Sagaing PDF သည် ရန်ပုံငွေရှာဖွေခြင်းနှင့် လက်နက်တပ်ဆင်ခြင်းတို့ကို ကိုယ်တိုင်ဆောင်ရွက်ကာ ဒေသအခြေပြု ကာကွယ်ရေးတပ်ဖွဲ့အဖြစ် ရပ်တည်ခဲ့သည်။

ထိုကာလတွင် အမျိုးသားညီညွတ်ရေးအစိုးရ(NUG)သည် ကာကွယ်ရေးဝန်ကြီးဌာန (MOD)ကို ဖွဲ့စည်းခဲ့ပြီး ၂၀၂၁ ခုနှစ် မေ ၅ ရက်တွင် ပြည်သူ့ကာကွယ်ရေးတပ်မတော် (PDF) ကို ဖွဲ့စည်းခဲ့သည်။ နိုင်ငံတဝန်း၌ မြို့နယ်နှင့် ရပ်ရွာအခြေပြု ဖွဲ့စည်းထားသည့် ဒေသကာကွယ်ရေးတပ်များသည် MOD လက်အောက်သို့ ဝင်ရောက်ကာ ပြောင်းလဲဖွဲ့စည်းခဲ့ကြသည်။ တချို့သည်လည်း မူရင်းဒေသအခြေစိုက် တပ်ဖွဲ့များအဖြစ်သာ သီးခြားရပ်တည်ခဲ့သည်။ ထိုအထဲတွင် Sagaing PDF လည်းပါဝင်ပြီး NUG/MOD အောက်ကို ဝင်ရောက်ခဲ့ခြင်း မရှိဘဲ  သီးခြားအခြေစိုက် တပ်ဖွဲ့အဖြစ်သာ ဆက်လက်ရပ်တည်ခဲ့သည်။ 

သို့သော်လည်း၊ ၂၀၂၃-၂၀၂၄ ခုနှစ် ကာလများတွင် စစ်ကိုင်းဒေသအတွင်း NUG/MOD လက်အောက်ခံ ပြည်သူ့အုပ်ချုပ်ရေးအဖွဲ့ (ပအဖ)၊ ပြည်သူ့ကာကွယ်ရေးအဖွဲ့ (ပကဖ) နှင့် ပြည်သူ့လုံခြုံရေးအဖွဲ့ (ပလဖ) များ အားကောင်းလာချိန်တွင် Sagaing PDF က ရဲဘော်များသည် ထိုအဖွဲ့များနှင့် ပူးပေါင်းကာ ဒေသအုပ်ချုပ်ရေးယန္တရားများ ဖော်ဆောင်ခဲ့ကြသည်။

ထို့နောက်တွင် Sagaing PDF အနေနှင့် စစ်ကိုင်းဒေသ၏ ပြည်သူလူထုကို အကာအကွယ်ပေးနိုင်သော တော်လှန်ရေးတပ်ဖွဲ့အဖြစ် သီးသန့်ရပ်တည်လိုသည့် ရည်ရွယ်ချက်ဖြင့် ၂၀၂၄ ခုနှစ် နှစ်ကုန်ပိုင်းမှစကာ သီးသန့်စစ်ရေးလှုပ်ရှားမှုများကို ပြန်လည်ဖော်ဆောင်ခဲ့သည်။ လက်ရှိတွင် Sagaing PDF သည် NUG/MOD ၏ အမိန့်ပေးကွပ်ကဲမှု (COC) အောက်တွင် မရှိနေသော်လည်း NUG/PDF အဖွဲ့များနှင့်အတူ စစ်ရေးလှုပ်ရှားမှုများ ဆောင်ရွက်လျက်ရှိသည်။

Sagaing PDF သည် ဌာန ကိုးခု ဖွဲ့စည်း၍ တော်လှန်ရေးဆိုင်ရာ လှုပ်ရှားမှုများကို လုပ်ဆောင်သည်။ ထိုဌာနများအနက် ငါးခုမှာ အောက်ပါအတိုင်းဖြစ်သည်။

Sagaing PDF ၏ အမြင့်ဆုံးဌာနသည် ကွပ်ကဲမှုဗဟိုဌာနချုပ် ဖြစ်သည်။ ၎င်းဌာနချုပ်သည် Sagaing PDF ၏ မူဝါဒရေးရာဆိုင်ရာ ကိစ္စရပ်များကို အဓိက ဆုံးဖြတ်ချက်ချမှတ်သည်။ ဌာနချုပ်၏ ဖွဲ့စည်းပုံတွင် နာယကများ၊ နိုင်ငံရေးတက်ကြွလှုပ်ရှားသူများ၊ ကျောင်းသားသမဂ္ဂ အဖွဲ့ဝင်များ၊ ကော်မတီ၏ ဦးဆောင်အဖွဲ့ဝင်များနှင့် တပ်ရင်းမှူးများ ပါဝင်သည်။ တပ်ဖွဲ့၏ ဌာန ကိုးခုအနက် စစ်ရေးဆိုင်ရာ လှုပ်ရှားမှုများကိုမူ ‘စစ်ဆင်ရေးဆိုင်ရာ စီမံကွပ်ကဲရေးဌာန’က အဓိက ကွပ်ကဲဆောင်ရွက်သည်။ အဆိုပါဌာနတွင် တပ်ရင်းမှူးများ၊ တပ်မှူးများနှင့် ဒေသမှူးများ ပါဝင်သည်။

မရှိပါ။

အမြဲတမ်းစုဖွဲ့မှုမရှိပါ။ Sagaing PDF သည် စစ်ဆင်ရေးများ ဆောင်ရွက်ရာတွင် တိုင်းရင်းသားလက်နက်ကိုင်တော်လှန်ရေးအဖွဲ့များ (EAOs)၊ NUG လက်အောက်ခံ PDF များနှင့် စစ်ကိုင်းဒေသအခြေစိုက် အခြားတော်လှန်ရေးတပ်ဖွဲ့များနှင့် စစ်ဆင်ရေး လိုအပ်ချက်အပေါ် မူတည်သည့် ယာယီစုဖွဲ့မှု အနေအထားဖြင့် ပူးပေါင်းခြင်းရှိသည်။

Sagaing PDF သည် စစ်ရေးရပ်တည်ချက်အနေဖြင့် လက်နက်အားကိုးဖြင့် အနိုင်ကျင့် ဗိုလ်ကျခံနေရသည့် ပြည်သူလူထုကို အပြည့်အဝ အကာအကွယ်ပေးရန်နှင့် စစ်အာဏာရှင်စနစ်ကို အမြစ်တွယ်သုတ်သင်ရေးကို အဓိက ဦးတည်ထားသည်။

နိုင်ငံရေးရပ်တည်ချက်မှာ မြန်မာနိုင်ငံ၏ အနာဂတ်သည် ဖက်ဒရယ်ဒီမိုကရေစီ လမ်းကြောင်းပေါ်သို့ ရောက်ရှိရေး ဖြစ်သည်။

 မသိရပါ။

မသိရပါ။

Facebook: https://www.facebook.com/profile.php?id=61568199812282