PNDF - KK

မရှိပါ။

ပအိုဝ်းအမျိုးသားကာကွယ်ရေးတပ်ဖွဲ့ (ခမ်းကောင်)

ကရင်အမျိုးသားလွတ်မြောက်ရေးတပ်မတော်(KNLA)၊ ကရင်နီတပ်မတော်(KA)၊ ကရင်နီအမျိုးသားကာကွယ်ရေးတပ်(KNDF)၊ ပအိုဝ်းအမျိုးသားလွတ်မြောက်ရေးတပ်မတော် (PNLA)၊ ပြည်သူ့ကာကွယ်ရေးတပ်မတော် (PDF)။

ပအိုဝ်းအမျိုးသားကာကွယ်ရေးတပ်ဖွဲ့ (ခမ်းကောင်)(PNDF-KK)။

ပအိုဝ်းအမျိုးသားဖက်ဒရယ်ကောင်စီ (PNFC)။

သမိုင်းအကျဉ်း

PNDF – KK တွင် အဖွဲ့အစည်း၏ မူ၊ ဝါဒနှင့် လုပ်ငန်းစဥ်များဟူ၍ သီးခြားစီချမှတ် ထားသည်။ 

မူလေးချက်မှာ အောက်ပါအတိုင်း ဖြစ်သည်။ 

၁။ ပအိုဝ်းအမျိုးသား ကာကွယ်ရေးတပ်ဖွဲ့သည် ပအိုဝ်းလူမျိုးတို့၏ အမျိုးသားရေးကို အခြေမခံ သည့် လူထုလွတ်မြောက်ရေး၊ တိုင်းရင်းသားပေါင်းစုံ လွတ်မြောက်ရေးမူ ဖြစ်သည်။

၂။ စစ်အာဏာရှင်စနစ်အပါအဝင် ဖိနှိပ်ချုပ်ချယ်မှုစနစ်အားလုံးကို တော်လှန်ဖျက်သိမ်းပြီး ပြည်တွင်းစစ်ရပ်စဲကာ ပြည်တွင်းငြိမ်းချမ်းရေးတည်ဆောက်ပြီး ဒီမိုကရေစီကျင့်စဥ်နှင့်အညီ သာယာဝပြော စစ်မှန်သည့် ဖက်ဒရယ်ပြည်ထောင်စု တည်ဆောက်ရေးမူဖြစ်သည်။

၃။ ရန်သူနှင့် စေ့စပ်ဆွေးနွေးပြီး လက်နက်ချအညံ့ခံခြင်းကို ပြတ်သားစွာဆန့်ကျင်သည်။

၄။ လက်နက်ကိုင်တော်လှန်ရေးလမ်းစဥ်ကို စွန့်လွှတ်ပြီး မဟာလူမျိုးကြီးဝါဒကို ကိုယ်စားပြုသော ရန်သူစစ်အုပ်စု၏ လက်ကိုင်တုတ်အဖြစ်အသုံးချခံရသည့် အဖွဲ့အစည်း များကို လုံးဝလက်မခံဘဲ ရန်သူစစ်အုပ်စုကဲ့သို့ သဘောထားပြီး ဆန့်ကျင် တော်လှန်သည်။

ဝါဒနှစ်ချက်မှာ အောက်ပါအတိုင်း ဖြစ်သည်။ 

၁။ ပအိုဝ်းအမျိုးသား ကာကွယ်ရေးတပ်ဖွဲ့သည် မဟာလူမျိုးကြီးဝါဒ၊ ကျဥ်းမြောင်းသော အမျိုးသားရေးဝါဒ၊ ဗိုလ်ကျစိုးမျိုးရေးဝါဒ၊ လူမျိုးရေးခွဲခြားရေး၊ အသားအရောင်ခွဲခြားရေး၊ ဘာသာအယူဝါဒ၊ လိင်ခွဲခြားရေးစသော ခွဲခြားရေးဝါဒအမျိုးမျိုးကို ဆန့်ကျင်သည်။

၂။ ပအိုဝ်းအမျိုးသား ကာကွယ်ရေးတပ်ဖွဲ့သည် တန်းတူရေးနှင့် တရားမျှတရေးဝါဒ၊ တိုင်းရင်းသားလူမျိုးပေါင်းစုံ သွေးစည်းညီညွတ်ရေးဝါဒကို လက်ခံကျင့်သုံးသည်။                                                         ​​​​​​                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           ​​​​​​​လုပ်ငန်းစဥ် ခြောက်ရပ်မှာ အောက်ပါအတိုင်းဖြစ်သည်။ 

၁။ လူထုလွတ်မြောက်ရေးအတွက် ကျစ်လစ်ခိုင်မာသော တော်လှန်ရေးအင်အားစုတရပ် ထူထောင်ရန်။

၂။ ပြည်ထောင်စုအတွင်းရှိ တောင်တန်း၊ ပြည်မ မကျန်စေဘဲ တိုင်းရင်းသားလူမျိုးပေါင်းစုံနှင့် တန်းတူရေး၊ သာတူညီမျှရေးအပေါ် အခြေခံပြီး တိုင်းရင်းသားပေါင်းစုံ သွေးစည်းညီညွတ်ရေးကို တည်ဆောက်ရန်။

၃။ တိုင်းရင်းသားလူမျိုးပေါင်းစုံ၏ တန်းတူရေး၊ သာတူညီမျှရေးနှင့် ကိုယ်ပိုင်ပြဋ္ဌာန်းခွင့် အပြည့်အဝရှိသည့် စစ်မှန်သော ဖက်ဒရယ်ပြည်ထောင်စု တည်ဆောက်နိုင်ရေး။

၄။ လူထုလွတ်မြောက်ရေးအတွက် တော်လှန်နေသော တိုင်းရင်းသားလူမျိုးပေါင်းစုံ တော်လှန်ရေးအင်အားစုများ၊ အဖွဲ့အစည်းများနှင့် ဒေသအသီးသီးရှိ တော်လှန်ရေး အင်အားစုများနှင့်သော်လည်းကောင်း စည်းလုံးညီညွတ်စွာ လက်တွဲဆောင်ရွက်သွားရန်။

၅။ ဖက်ဒရယ်ဒီမိုကရေစီနှင့် လူ့အခွင့်အရေးအတွက် တိုက်ပွဲဝင်နေကြသော ရဟန်းသံဃာ တော်များ၊ အရပ်ဖက်လူမှုအသင်းအဖွဲ့များ၊ အခြားအသီးသီးသော အသင်းအဖွဲ့များ၊ အင်အားစု များနှင့် ညီညွတ်စွာလက်တွဲဆောင်ရွက်သွားရန်။

၆။ လူထုကို ဖိနှိပ်အုပ်ချုပ်နေသည့် ဖက်ဆစ်အာဏာရှင်နှင့် ဖက်ဆစ်အာဏာရှင်၏ ထောက်တိုင်များကို အမြစ်ဖြတ်ချေမှုန်းရန်။

ခေါင်းဆောင်များ၊ဗဟိုကော်မတီအဖွဲ့ဝင်များ

အာဏာသိမ်းကာလ နိုင်ငံရေး၊ စစ်ရေးရပ်တည်ချက်

ဆက်ဆံရေးရုံးများ

တပ်မဟာများ

ဆက်သွယ်နိုင်သည့်လိပ်စာ