BPLA

တည်ထောင်သည့်ရက်စွဲ –  ၂၀၂၁ ခုနှစ် ဧပြီ ၁၇ ရက်။ 

ဌာနချုပ်                       –  မရှိသေးပါ။ 

လှုပ်ရှားဒေသ               –  ကရင်ပြည်နယ်၊ ဖာပွန်ခရိုင်နှင့် ရှမ်းပြည်နယ်မြောက်ပိုင်း  လာရှိုးမြို့နယ် ။ 

ခန့်မှန်းအင်အား            –   ၁,၀၀၀ နှင့်အထက်။ 

ခေါင်းဆောင်                –   တာဝန်ခံ/ကွပ်ကဲရေးမှူး မောင်ဆောင်းခ။

ဗမာပြည်သူ့လွတ်မြောက်ရေးတပ်တော်(BPLA)၏ တာဝန်ခံ/ကွပ်ကဲရေးမှူး မောင်ဆောင်းခသည် အာဏာမသိမ်းမီကာလက လွတ်လပ်စွာ ထုတ်ဖော်ပြောဆိုခွင့် (Freedom of Expression)နှင့်ပတ်သက်၍ တက်ကြွလှုပ်ရှားခဲ့သူတဦးဖြစ်ခဲ့သည်။ ၂၀၁၃ ခုနှစ် အောက်တိုဘာ ၈ ရက်တွင် ပြဋ္ဌာန်းလိုက်သည့် ဆက်သွယ်ရေးဥပဒေတွင်ပါဝင်သည့် ပုဒ်မ ၆၆(ဃ) ဖျက်သိမ်းရေးကော်မတီတွင် ဦးဆောင်ပါဝင်လှုပ်ရှားခဲ့သည်။ အသံ (Athan) အဖွဲ့၏ အမှုဆောင်ဒါရိုက်တာ တဦးအဖြစ်လည်း တာဝန်ယူခဲ့သည်။ 

အာဏာသိမ်းပြီးနောက်ပိုင်း လူမျိုးပေါင်းစုံအထွေထွေသပိတ်ကော်မတီ(GSCN)ထဲတွင် ဦးဆောင်သူ တဦးအဖြစ် ပါဝင်ခဲ့ပြီးနောက် စစ်တပ်က ၎င်းတို့ကို ဆန့်ကျင်သူများအား ပစ်ခတ်သတ်ဖြတ်ခြင်းနှင့် အကြမ်းဖက်နှိမ်နင်းခြင်းများ ပြုလုပ်လာသည့် နောက်တွင် မောင်ဆောင်းခသည် လက်နက်ကိုင် တော်လှန်ရေးထဲတွင် ပါဝင်ရန် ဆုံးဖြတ်ခဲ့သည်။ ထို့နောက် ကရင်ပြည်နယ်၊ ဖာပွန်ခရိုင်အတွင်း အခြေစိုက်သည့် ကရင်အမျိုးသားလွတ်မြောက်ရေးတပ်မတော်(KNLA)၊ တပ်မဟာ (၅) နယ်မြေတွင်း၌ မောင်ဆောင်းခအပါအဝင် လူငယ် ၁၇ ဦးသည် အခြေခံစစ်ပညာသင်ကာ BPLA ကို ထူထောင်ရန် ပြင်ဆင်ခဲ့သည်။ BPLA ၏ စစ်သင်တန်းအပါတ်စဉ် (၁) ကို အခြေခံစစ်ပညာသင်ပေးသည်မှာ ရက္ခိုင့်တပ်တော် ( AA) ဖြစ်သည်။ 

၂၀၂၁ ခုနှစ် ဧပြီ ၁၇ ရက်တွင် BPLA ကို စတင်ဖွဲ့စည်းပြီး တပ်ဖွဲ့သည် ဗမာပြည်သူလူထုကို အကာအကွယ်ပေးရေးနှင့် ဗမာလူမျိုးကို ကိုယ်စားပြုသည့် တပ်ဖွဲ့အဖြစ် ရပ်တည်သည်။ BPLA သည် AA ၏ အကူအညီဖြင့် ရှမ်းပြည်နယ်မြောက်ပိုင်း၌လည်း အခြေစိုက်နိုင်ခဲ့သည်။ AA ထံတွင်လည်း စစ်ပညာသင်ယူကာ တော်လှန်ရေးဆိုင်ရာ အကူအညီများ ရယူပြီး AA မှတဆင့် ညီနောင်မဟာမိတ် သုံးဖွဲ့နှင့်လည်း မဟာမိတ်ဖြစ်လာခဲ့သည်။ 

BPLA သည် ကရင်ပြည်နယ်၊ ဖာပွန်ခရိုင်နှင့် ရှမ်းပြည်နယ်မြောက်ပိုင်းတွင် အခြေစိုက်လှုပ်ရှားပြီး ၁၀၇ စစ်ဒေသ နှင့် ၂၀၃ စစ်ဒေသဟူ၍ စစ်ဒေသနှစ်ခု ဖွဲ့စည်းထားသည်။ ၎င်းအခြေစိုက်သည့် ဒေသများရှိ KNLA ၊ မြောက်ပိုင်းမဟာမိတ်တပ်များနှင့်အတူ စစ်ရေးလှုပ်ရှားခြင်း၊ စစ်ကောင်စီကို တိုက်ခိုက်ခြင်းများ ပြုလုပ်လျက် ရှိသည်။ 

မသိရသေးပါ။

မရှိပါ။​

မသိရသေးပါ။

ဗမာပြည်သူ့လွတ်မြောက်ရေးတပ်တော် (BPLA)သည် စစ်အာဏာသိမ်းပြီးနောက် ပေါ်ပေါက်လာသည့် လက်နက်ကိုင်တော်လှန်ရေး အဖွဲ့ဖြစ်သည်။ 

BPLA သည် အသက်ပေးခဲ့ရသည့် ပြည်သူများစွာအတွက် တရားမျှတမှုဖော်ဆောင်ရန်၊ စစ်အာဏာရှင်စနစ်နှင့် လူမျိုးကြီးဝါဒတိုက်ဖျက်ရန်၊ တန်းတူညီမျှမှုနှင့် ကိုယ်ပိုင်ပြဋ္ဌာန်းခွင့်ရှိသော ဖက်ဒရယ်ယူနစ် တည်ထောင်ရန်၊ အခြားတိုင်းရင်းသားလူမျိုးစု လက်နက်ကိုင် တော်လှန်ရေးအဖွဲ့များနှင့်အတူ လက်နက်ကိုင် တိုက်ပွဲဝင်ရန် ဆုံးဖြတ်ထားပြီး အနာဂတ် ဖက်ဒရယ်ဒီမိုကရေစီပြည်ထောင်စုတွင် ဗမာယူနစ်သတ်မှတ်ပေးရန် တောင်းဆိုထားသည်။

မရှိပါ။

အမှတ် ၁၀၇ နှင့် ၂၀၃ ဟူသည့်  စစ်ဒေသ နှစ်ခုကို တည်ဆောက်ထားသည်။ စစ်ဒေသ အမှတ် ၁၀၇ သည် ကရင်အမျိုးသားလွတ်မြောက်ရေးတပ်မတော် (KNLA) ၊ တပ်မဟာ (၅) ၏ နယ်မြေတွင်း ဖြစ်ပြီး စစ်ဒေသ အမှတ် ၂၀၃ သည် ရှမ်းပြည်နယ်မြောက်ပိုင်းတွင် ဖြစ်သည်။ ထိုစစ်ဒေသ အမှတ် ၂၀၃ သည် မြောက်ပိုင်းမဟာမိတ်တပ်ဖွဲ့များနှင့် ပူးတွဲလှုပ်ရှားလျက် ရှိသည်။

Facebook :  https://www.facebook.com/BamarPeoplesLiberation